منتديــٌٌــات‘ الــ‘‘ــصفــا التعلــٌيمٌـي

اهلا وسهلا بكم في منتدى الصفا التعليمي
 
الرئيسيةس .و .جبحـثالتسجيلالأعضاءالمجموعاتدخول

شاطر | 
 

 لاتجرحين العـود بعيونك السـود

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
Admin
avatar

المساهمات : 263
تاريخ التسجيل : 12/02/2008

مُساهمةموضوع: لاتجرحين العـود بعيونك السـود   السبت أبريل 12, 2008 1:40 pm

بدايه القصه عن شايب هواوي ( قلبه خضر ) ما يشوف بنت الا ينفتن ومشهور بانه حبيب

وفيه بنت ملكعه وصاحبة مقالب قالت في نفسها انا ليه ما اروح للشايب وامزح معه واضحكه شوي واشوف ردة فعله كيف تكون

راحت له وردت عليه السلام كيف حالك يا شايب رد السلام والله بخير

وفجأه عطته ظهرها ومشت ولا استإذان ولا شي

ولع الشايب من حركتها قال فيها كم بيت يستعطفها فيها ويقول انها ذكرته الماضي و اذا ما عطيتيني وجه لحقت باخوي الي في قبره ويذكر التاريخ واليوم اللي قابلها فيه

يقول الشايب :




يا بنت خوذي خاطري وارحميني
........................................لا تجرحين العود بعيونك السـود
غضي نظرك وغطي الوجنتينـي
.......................................لعل يومٍ جدد الجرح مـا يعـود
يوم انتهى مع مرمسات السنينـي
...................................جتني صواديفه على غير مقصود
باول شهر عشره نهار الثنينـي
....................................حمدان مروا به على جنازة حمود


البنت كانت تقصد من استفزازه انها تجاريه في الشعر وترد عليه والمسكين ما كان يدري انها شاعره وعلى باله ما خذ راحته في التغزل

ردت عليه وهزأته تقول :



يا شايب الرحمن وينـك ووينـي = عزي لحالك قدمك الباب مسـدود
قلبك عطوف وجاه قلـبٍ متينـي = والبنت ما تشفق على مغازل العود
حبل الرجا مقطوع بينـك وبينـي = مثل الغليث اللي رعا قلبه الـدود
اقفى شبابـك والعـرب مقبلينـي = يا عود ما يرجع من العمر مفقود






حطمته يوم قالت له انك عود وان الشباب ما يرجع وان ما فيه امل تعطيه وجه حس العود انه تورط وقال كم بيت يقول لها صدي عني انه ما يبي الغزل بعد ما وصل عمره ثمانين سنه

يقول حمدان :



]يا بنت صـدي بالعيـون الظليلـه = لا صد عنـك الله نهـار القيامـه
مالي ومالك يالفـروع الطويلـه = لو فيك من رسم البـداوه علامـه
يابنت مـا لـي بالثمانيـن حيلـه = اهدف كما تهدف على البير قامـه
اقفى شبابي والدهر شفـت ميلـه = يالله حسـن الخاتمـه والسلامـه
عطيك موجز والبضاعـه قليلـه = واخذت لك من صافي الماء سنامه





راحت الايام والشايب مسكين سنه خذله معها شايب وهي بنت وتقول له كيف اعطي شايب وجه
بعد فتره مرته مره ثانيه وردت عليه السلام واستفزته وراحت وخلته ولع الشايب وقال ليه ما ابين لها في كم بيت انها بتشيب مثلي واني رجال طيب وان الناس تنصاني ومعروف بالكرم واني ما ابي منها غير التحيه والترحيب


يقول حمدان :




يــا بـنـت مــا جــاك الـكـبـروالخـشـونـه
.............................وعادت شـبـاب الـيـوم يجـفـل مــن الشـيـب
ياسرع ما وبلك تمزع مزونه
................................. يالفاتنه يا ام الثمان الرعابيب
يا بنت ما بيني وبينك مهونه
................................... كلمة شرف نبي تحيه وترحيب
الله من عودٍ ثقيله طنونه
.............................. ينصاه راع المشكلـه والمواجيـب
على الكرم والدين نفسه حنونه
.............................. تلقاه بالاجواد شرق وتغاريب



جهز الابيات وارسلها مع عجوز ووعد العجوز بهديه اذا وصلت الرساله لها
راحت العجوز وعطت البنت الابيات شافتها البنت وقفلت على العجوز في غرفه وقالت مثل ما جيتي بابياته ترجعني بابياتي
العجوز مسكينه قالت طلعيني ولا ابي منكم شي الله لا يعودكم انتم واوراقكم
ردت البنت ابيات اقوى من الاولى واكثر تحطيم مسكين الشايب ما احد رحمه حتى لو حاول يستعطف
تقول البنت :



العود عود وطايحـاتٍ سنونـه
..................................من كثر ما يرقد على جرة الذيب
عودٍ مهرقل والعرب ما يبونـه
..................................ياعود ما لك في طويل المراقيب
اقفى شباب العود راحت حتونـه
..................................زمثل اليتيم اللي بكا ما له مجيب
جداه ينثر دمعـة ٍ مـن عيونـه
.................................غريق موجٍ ما لقا له مقاضيـب



اتمنى ان تنال على اعجابكم
وان
اسمع ارائكم
ومداخلاتكم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://safwanewsdawood.yoo7.com
 
لاتجرحين العـود بعيونك السـود
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديــٌٌــات‘ الــ‘‘ــصفــا التعلــٌيمٌـي :: منتدى الشعر-
انتقل الى: